Meatzaldeko berbalagunak: 2011

2011/12/21

Berbamezua: Zorionak eta urte berri on!!!

Gabon zoriontsuak pasa, baina ez pasa!!!jajaja. Datorren urtera arte!!
Espero dugu gure oparitxo a gustoko izatea!!

Zorionak eta urte berri on 2012!!!

2011/12/19

Tailerren argazkiak!!

Hona hemen Olentzeroren partez oparitxo bat!!

Hilabete hauetan tailer batzuk egin ditugu: fieltroa, komiki-zorroak, txotxongiloak...

Hemen dituzue argazkiak! Egizu klik!

Filetro tailerra (Trapagaran)
Komiki-zorro tailerra (Abanton)
Txontxongilo tailerrak (Muskiz eta Ortuellan)

2011/12/16

Olentzero Ttipiak

Olentzero ttipien lehiaketa amaitu da eta hemen dituzue lehiaketara aurkeztu diren Olentzeroak!! Olentzero Ttipiak!!
Banan-banan ikusteko, egizu klik hemen!

SARI-BANAKETA: BERTAN BEHERA GERATU DA.
Partehartzailekin kontaktuan jarriko dira.

2011/12/14

Meatzaldeko Irakurzale Kluba

Eguna:Abenduaren 27an
Ordua: 19:30ean
Lekua: Haritzaldeko aretaon (Las Karreras)

Sinopsia: Adam Walker 20 urteko gazte onbera Columbia unibertsitatean ari da literatura-ikasketak egiten. Ideologikoki hain gorabeheratsua eta iraultzailea izan zen 60ko hamarkadan Walkerrek oso argi du zer norabidetan egin nahi dituen bere urratsak: ez du Vietnameko gerrara joan nahi eta poeta izan nahi du. Patuak, ordea, Rudolf Born eta Margot bikote frantsesa lerratuko ditu bere bidean eta haren izana zein geroa beldurra, sexua eta lilura osagai nagusi dituen triangeluan harrapatuta geratuko da. Indarkeria gau baten ostean, hiruren arteko harremana eten egingo bada ere, bizitako esperientziaren mamu eta itzalek hil artean elkarri hari ikusezin batez lotuta atxikiko dituzte. Genero, narratzaile, espazio eta denbora anitzen hibridazioz osatutako puzzle hau ahokatzeko hari ikusezinei tiraka aritu da Auster. Ameriketako asmamen handieneko idazleak beste behin ere erakutsi digu kontrako indarrak elkarri lotuta daudela eta sexu-goseak, maitasunak, gorrotoak, damuak, lotsak, berrerospenak, mendekuak, aitortzak, Paris eta New York, nahia eta izana, lilura eta egia, txuriaren eta beltzaren arteko zubi ikusezinek eskainitako habeen gainean badaitekeela eraiki ganorazko unibertsorik. Horra zer den Ikusezin, izan daitekeena eta ezinezkoaren arteko ilunetan ikusezin diharduten indarrak argitaratzen dituen eleberria.

Olentzero egitaraua: TRAPAGARAN

Abenduak 17, larunbata
DANTZA PLAZA, 18:30etan Habana Plazan

Abenduak 24, larunbata
9:30etan Durañonatik hasita auzoz auzo Ugarte, Elgero, San Gabriel, Trapagaran eta Larreineta.
Trikitixa, txistu, dantza, kanta eta bertso.
17:15etan Funikularretik OLENTZERO jaitsiera Polikiroldegian amaiera eta haur berbena.

Abenduak 26, astelehena
ZAPATA GORRIAK, (Haur antzerkia) 12:00etan Olaso Jauregian
GARTXOT (filma) 18:30ean Franciscanas de Montpellier ikastetxeko aretoan

Abenduak 27, asteartea
UMEENTZAKO MUSIKA KONTZERTU DIDAKTIKOA
11:15etan 6-7 urte bitarteko haurrentzat
12:15etan 9-13 bitartekoentzat

Abenduak 31, larunbata
URTEARI AGURRA MENDITIK
11:30etan PICO LA CRUZ mendian irrintzi, txistu, txanpai eta turroi
13:00etan La Arboledan sarrera eta kalejira

Berbalagunon ABANTAILAK!

BERBALAGUNEN parte hartzen dugunok, euskaraz hitz eginez gozatzeaz gain, berbalagun izateagatik bakarrik, hurrengo abantaila hauek izango dituzu:

AIZU! aldizkariaren urte osoko harpidetza (10 zenbaki) merkeago izango duzu.
BERRIA egunkariak %50eko deskontua eskaintzen dizu asteburuetako harpidetzan.
ARGIA astekaria, hilabetez (4 zenbaki) doan jasotzeko aukera izango duzu eta harpidtza egin nahi izatekotan; urte osokoan %25eko deskontua izango duzu eta bestela hilean behineko harpidetza egin ahal izango duzu 39 euroan.
Udako Euskal Unibertsitatea UEUko ikastaroetan %25eko deskontua.
Euskal Herriko Unibertsitatea EHU-UPVko ikasle bazara, aukera askeko kredituak lortu ahal izango dituzu mintzapraktika progamaren batean parte hartzeagatik.

Abantaila hauek guztiak aprobetxatu nahi baldin badituzu eta BERBALAGUNEN parte hartu nahi baduzu, jarri kontaktuan gurekin.

Izan zaitez Berbalagun!!!

2011/12/12

Euskaraz bizi nahi dut!!!

"Gabon kontuk II" Muskizen

Abenduaren 17an, 12:00etan, Meatzari aretoan!

2011/12/05

Txotxongilo tailerra, Ortuellan

Eguna: Abenduaren 15a, osteguna
Ordua: 17:00
Lekua: OKE
Norentzat: HAUR ETA GURASOENTZAT!!

*OHARRA: Izena ematea beharrezkoa da.

Txotxongilo tailerra, Muskizen

Eguna: Abenduaren 14a, asteazkena
Ordua: 17:00
Lekua: Gaztegunea (Muskiz)
Norentzat: HAUR ETA GURASOETZAT!!!

*Oharra: Beharrezkoa izango da izena ematea.

2011/11/28

Euskararen Eguna, Abanton

ABENDUAK 2, OSTIRALA

11:00 Kultur Etxeko areto nagusian, adierazpenaren irakurketa.

11:30 "A ze parea" ikuskizuna eskainiko diegu adierazpenaren irakurketan parte hartuko duten guztiei.

17:00-20:00 Haur parkea (Eusko gudariak plazan)

17:00-19:00 Herri kirolak (Eusko gudariak plazan)

17:00-19:00 Talo eta txalaparta tailerra (Eusko gudariak plazan)

19:00-21:00 Disko Pottoka (Eusko gudariak plazan)

*Oharra: Arratsaldeko ekintza guztiak, euria egin ezkero, Txikito de Gallarta pilotalekuan egingo dira.

2011/11/24

Komiki-zorro tailerra! Ikasi diru-zorroak egiten!!

Noiz: Azaroaren 23an, asteazkena
Non: Gallartako Kultur Etxean (Erakusketa gelan)
Norentzat: Haur eta gurasoentzat (5-9 urte bitarteko haurrak)

Ikusi argazkiak hemen klik eginez!!

2011/11/23

"Hostoak" ikuskizuna, Muskizen

Abenduaren 3an, 20:00etan Meatzari Aretoak, “Hostoak” ikuskizuna eskainiko dizu.

Sarrerak 12€, telekan eta takilan.

2011/11/21

Euskararen Astea Muskizen

Azaroak 28 "IZARREN ARGIA" FILMA. Meatzari Aretoan, 19:00. +Ikusi

Azaroak 30 "APAIZAC OBETO" DOKUMENTALA. Gaztegunean, 10:00/12:00/16:00. +Ikusi

"BUAH TXABAL" ANTZERKIA. Gaztegunean, 19:00etan +Ikusi

Abenduak 2 KIKI, KOKO ETA MOKO PAILAZOAK. Meatzari Aretoan, 17:30/19:00

Abenduak 3 EUSKARAREN EGUNA. Frontoian, egunean zehar.

*(Herri bazkarian izena emateko azken eguna, azaroaren 30)

"HOSTOAK" IKUSKIZUNA. Meatzari Aretoan, 20:00etan. +Ikusi

Abenduak 4 MENDI MARTXA. Kultur Etxetik hasita, 10:00etan.

Hemen duzue kartela!!

Kantafaria Abanton

Abenduaren 3an Euskararen Eguna izango da. Tira, jakin badakizue euskararen eguna EGUNERO dela; baina, herrian egun hori aitzakiatzat hartu eta ekintza polit bat egitea bururatu zaigu. Nola ez, kantan eta dantzan! kar-kar.

NOIZ: Abenduaren 3an, larunbata.
NON: Las Carrerasen.
ORDUA: 20:00etan kalejira EUSKI taldearekin. Ondoren, 22:00etan afaria Angulorenean.
Prezioa: 20 euro.
* Oharra: izena aldez aurretik eman behar da.

Nola??? ez duzuela EUSKI taldea ezagutzen!! Gazte lapurtar hauek ohiko musika jotzen dute trikitixa, gaita, panderoa, txistua, txalapartaz... Hitz gutxitan: giro paregabea sortzen dute. Animatu eta etor zaitezte!

Informazio gehiago: 94 636 94 47

2011/11/20

Dibertiplana Abanton

Oporrak amaitu eta haurrak eskolara buelatzen dira, baina dena ez da izango ikasi ta ikasi, ezta?? Hemen dituzu Abantoko Dibertiplanaren hurrengo emanaldiak! Gurasoak eta haurrak elkarrekin ondo pasatzeko!! Magoak, pailazoak, antzerkiak...

Hirugarren plana:

Azaroaren 26an, larunbata:

Zurrumurru Taldearen PANTXIKA ETA TXINPARTA.
11:30ean Kultur Etxean (Gallarta)

2011/11/16

Euskara Iruditan

Euskara Iruditan izeneko mosaiko erraldoia eraikitzen ari dira sarean: www.gureeuskara.net webgunean.

Euskarak historian, norbere bizipenetan, hirian, gizartean... izan duen eta duen presentzia iruditan jasotzen ari dira. Irudien mosaiko anitza bezain deigarria osatu nahi dute sarean, herritarrekin elkarlanean, euskararen erabileran gertatu den bilakaera iruditan jasoz.

Zuk zeuk kargatu dezakezu irudia webgunean modu errazean eta automatikoki argitaratuko da webguneko mosaikoan. Irudiaren edukia edonolakoa izan daiteke, baldintza bakarra irudiak zuretzat euskararekin lotzen duen esanahi berezia izatea eta irudia laguntzen duen testuan hori azaltzea.

2011/11/14

Durangoko Azokara AUTOBUSA!! Eman izena!!!

Eguna: Abenduaren 6an, asteartea
Irteera: 10:30ean Zierbenatik
Buelta: 19:00etan
Prezioa: 3 euro

Izena emateko azken eguna: abenduaren 2a, ostirala

Ibilaldia 2012 Abesti lehiaketa!!

Musika talde batean aritzen zara eta ibilaldiko kanta egitea gustatuko litzaizuke?
Urtarrilaren 12an amaitzen da epea. Beraz, bildu zure taldekideekin eta jarri martxan!!!

Oinarriak ikusteko: jo Ibipuntuzerok martxan dituen sare sozialetara...
twitter, tuenti, facebook eta www.ibilaldia.net webgunean ere.

iBi. Afaria

Eman izena lehenbailehen!! Azken eguna: azaroaren 16a
Non? Ibilaldiko dendan edo Ikastolako idazkaritzan!

2011/11/09

Fieltro tailerra Trapagaranen

Noiz: Azaroaren 16an, asteazkena
Ordua: 17:30
Lekua: Aek Euskaltegia
Izena emateko lekuak:
Trapagarango Aekn, Udal Euskaltegian edo meatzaldea@aek.org

2011/11/04

Meatzaldeko Irakurzale Kluba

Ertzain gotorki armatuak, ekologista sutsu solidarioak, kazetari zinikoak edo jakingoseak… Denak doaz Sasiondora, han, diotenez, baserritar txoro edo terrorista fanatiko batek tiroka egin baitie aurre agintariei, AHTk desjabeturiko baserria, Sakoneta, hustera zetozenean.
24 ordu eskasean, hainbat pertsonaia gurutzatuko dira, nor bere amets eta esperientziekin, eta guztien berri emango digu nobela labur eta koral honek, 48 atal laburren bidez, errealismotik esperpentora egiten duen umore maltzurrez eta biziaren zipriztinak sentiarazten dituen hizkeraz.

Azaroaren 23an Las Karreraseko "Haritzalde" Udal Aretoan, 19:30ean

2011/10/26

Trapagaranen ere bertsotan ari dira!

Trapagarango bertso eskolak hasi du kurtsoa, iazkoari jarraipena emanez herrian finkatu dela dirudi. Bi helburu nagusi planteatzen ditu aurtengoan bertso eskolak:

1-Iaz bezala astelenero lagun giroan elkartu eta bertsotan ikasi eta aritzeko tailerra.
Etorri eta aritu nahi duenak ateak zabalik ditu, bertso tailerra astelenero 19:30etan gaztetxean.

2-Trapagaranen bertso zirkuitu bat finkatu. Azaroaren 18an enkarterriko bertsolariak eta bertso titiriteroak elkartuko gara herrian, poteoa egingo dugu eta ondoren Sokrarenean afaltzea da asmoa.

Dantza ikastaroa Trapagaranen

BETIDANIK EUSKAL DANTZAK EZAGUTZEKO GOGOAK IZAN DUZU BAINA INOIZ EZ DUZU IKASTEKO AUKERA IZAN? AURTEN LORTU DEZAKEZU!

Jauziak ikasi nahi dituzula? Fandango eta arin-arina? Carrascoliendaseko dantzak, bals, zortziko edo inauteri dantzak. Etorri asteartero gaztetxera! 19:00etatik 20:30etara!

ORDUTEGIA: 19:00etatik - 20:30ak bitarte
LEKUA: Basetxe Gaztetxea

Olerkiak Irudi I. Lehiaketa

Arau-oinarriak

Meatzaldeko Irakuzale Klubak Olerkiak irudi lehenengo argazki lehiaketa deitzen du, euskal olerkigintza zabaltzeko eta era ezberdinean euskal literatura bultzatzeko xede nagusia hartuta.

Partehartzaileak:

14 urtetik gorako edonork parte har dezake, zeinahi dela bere herritartasuna.
Lehiaketa honetan parte-hartzeak berekin dakar besterik gabe oinarri hauek osoki onartzen direla.

Gaia:

Hainbat olerki proposatuko dira, eta haietakoren batekin zerikusia duen argazki bakarra aurkeztu beharko da. (Olerkiak eranskinean)

Lanak bidaltzea:

Parte-hartzaile bakoitzak irudi bakarra bidali dezake gehienez, eta garbi adierazi behar du zein olerkirekin dagoen lotuta.

Lanak posta elektronikoz bidaliko dira. Argazkia fitxategi batean bidaliko da hautatutako olerkiaren izenarekin, eta egilearen datuak “egilea” izeneko beste fitxategi batean. (Datuak:Izen-abizenak, jaioteguna edo adina, herria eta herrialdea, helbide elektronikoa, harremanetarako telefonoa (nahi izanez gero), zein olerkiri dagokion argazkia.

Argazki-lanak JPEG formatuko artxibo batean bidaliko dira. Artxiboaren neurriak ezin du 4 MB gorakoa izan, eta bere izenak hautatuako olerkiarena izan beharko du.

Argazkia saritua gertatuz gero, eskatu ahal izango zaio irabazleari kopia digital bat bereizmen handiagoan.

Epeak:

Meatzaldeko Irakurzale Klubaren web gunean argazkiak jasotzeko epea oinarri hauek argitaratzen diren unean hasi eta 2011ko abenduaren 31an bukatuko da, 24:00 orduetan.

*Informazio gehiago: www.irakurzalekluba.com

2011/10/19

Meatzaldeko Irakurzale Kluba

Liburu honetako idazleek gauza bakarra eskatzen diote Euskal Literaturari: «Aitortzeko geuri ere beste idazle batzuei, beste belaunaldi zaharrago eta gizonezkoago batzuei emandako eskubide berbera. Pott. Lubaki. Eta erdian, tropelean sentitzen ziren Tropelekoak. Beren burua bataiatu zuten denek. So, ici nous sommes, Damen und Herren. Hemen gaude. Gure E.R.A.S.M.U.S esperientziek literaturarekin zerikusi gutxi izan zutela esatera gatoz eta izenez deitu nahi bagaituzue, aski erraz duzuela, aski zoriontsu egingo gaituen etiketa askoz zintzoagoarekin gatozelako. Izatekotan, hobe Orgasmus Erasmus baino».

Oraingo honetan literatura erotikoari ekingo diogu "Orgasmus" hainbat idazleren liburuarekin. Goza ezazue eta etorri gurekin urrriaren 26an Las Karreraseko "Haritzalde" Udal Aretora, 19:30etan.

2011/10/11

Izan zaitez GURASOLAGUN!

Asko dira parkean edota seme-alabak eskolan dauden bitartean elkarrekin ematen ditugun orduak, horregatik HITZ EGITEKO OINARRIZKO MAILA duzuenok egitasmo honetan parte hartzera animatzen zaituztegu, zuen seme-alabengandik hurbilago sentitzen lagunduko dizue eta.

Herri bakoitzean badago gurasolagun talde bat. Zergatik ez gehiago sortu? Anima zaitez eta parte hartu!

Gogoratu! Ez dira klaseak, baizik eta euskaraz praktikatzeko DOAKO aukera!

Izena emateko: kontaktatu gurekin: meatzaldea@aek.org, zure herriko Euskara Zerbitzuan edo telefono honetan 946707774 (Izaskun eta Joana). Zuekin harremanetan jarriko gara. Eskerrik asko!

2011/10/07

Nafarroa Oinez. Urriak 16, Tafalla

NAFARROA OINEZ. TAFALLA. Urriak 16

Meatzaldetik autobusa aterako da!

Izena ematea: 5€

Lekua: Ortuella, Abanto eta Muskizeko Euskara Zerbitzuetan edo gurekin kontaktatu

Epea: Urriaren 13a (osteguna) baino lehen.

ADI! Autobusaren ibilbidea:

9:00etan Muskizeko BBKn

Las Karreraseko Haritzaldeko bus geltokian

Gallartako anbulategian

Ortuellan BBKko bus geltokian

Trapagaranen taxi geltokian

2011/09/27

Atsegin dut... Euskara, berbalagun... Atsegin dut!!

Euskal Herri osoan zehar... milaka lagun ATSEGIN DUTE euskara!! Horregatik, Berbalagunen parte hartzen dute!!

Ikusi bideoa!! Meatzaldeko berbalagunak agertzen dira!!

Ortuellako Euskal Jaiak- Txirrindula martxa

10:00etan Txirrindularitza martxarako izen-ematea. Udaletxeko Plazako eszenatokian

11:00etan Txirrindularitxa martxa 0-12 urte bitarteko umeentzat, Udaletxeko plazatik abiatuta.

Gogoratu! Martxarako laguntzaileak behar dira. Bolondresik badago...jarri kontaktuan Ortuellako Euskara Zerbitzuarekin (Karlos).

Ortuellako Euskal Jaiak- Euskaldunon Eguna

Txirrindula martxa, umeentzako jolasak, bertso-poteoa, bertso-bazkaria, kontzertuak... eta guzti hau, egun batean!!!Urriaren 1ean, larunbatean.

Aukera izan ezkero, hurbildu zaitez Ortuellara!!

Ortuellako Euskal Jaiak - Egitaraua

Hemen duzue Ortuellako Euskal Jaiak 2011ko egitaraua!!

Ipuin kontalaria Muskizen: Ana Meabe

“MARILURREK 5.722.630 IPUIN DAKIZKI”

Marilurrek ez zekien bere aitonak kontatutako ipuinak bizitza erabat aldatuko zionik. Ipuinaren amaiera sinestesina iruditu zitzaion. Ipuina ongi kontatuko zionaren bila abiatu zen munduan barrena. Halaxe hasi zen abenturarik gogoangarriena, lurra bezain borobila eta ilargia adina liluragarria.

Eguna: Irailaren 30a, ostirala

Ordua: 17:30

Lekua: Liburutegia

Adina: 5-10 urte

PLAZA MUGATUAK. GONBIDAPENAK LIBURUTEGIAN ESKATU (IRAILAREN 26TIK AURRERA)

2011/09/20

Irakurzale Kluba: Ogi hutsa

Irailaren 28an, 19:30ean, Las Karreraseko Udal Aretoan

Mohamed Xukrik 11 urte zituela Rifeko jaioterritik Tangerrera emigratu behar izan zuen bere familiarekin. Haurtzaroa bertako kaleetan, miseria gorriaren garaian lan xumeak eginez eta bizimodua nola edo hala ateraz bizi izan zuen, gose, indarkeria, prostituzio eta drogazaleen giroan.

Hogei urterekin ikasi zuen irakurtzen eta idazten, kartzelan lehenik eta Laraxen handik atera zenean.

Are ogi hutsa, tartean ezertxo ere ez zuena, nekez lor zitekeen garaiak ekartzen ditu gogora bere liburu aztoragarri bezain gordin honetan.

Eleberri autografiko hau trilogia baten lehenbiziko liburua da.

Debeku hori ez zen altxatu 2000 arte.

Bertso bazkaria Ortuellan - Urriak 1

Dakizuenez, urriaren lehenengo asteburuan Ortuellako Euskal Jaiak dira, eta ohikoa denez, aurton ere BERTSOBAZKARIA egongo da. Gainera, kalitatezko bertsolariekin: Andoni Egaña eta Maialen Lujanbio.

Noiz? Urriaren 1ean (Larunbata)
Non? Ortuellako Kultur Etxean
Ordua: 15:00etan
Prezioa: 15 euro
Menua: Sagardotegiko menua

Eman izena urriaren 29a baino lehen, non? Euskara Zerbitzuan, Kriseilu Aek Euskaltegian, Gazte Lokalean edo Ferrobarril tabernan

2011/09/19

Trapagarango Gazteguna - Irailak 24

12:00etan BAJADA ZARATATSUA
13:00etan "AITZOL ETA BERE TXOTXONGILOAK" (Habana plazan)
13:00etan KALEJIRA Patxaranga elektrotxarangarekin
15:00etan BAZKARI HERRIKOIA (frontoian)*
18:00etam SALBUESPUNK street konexion poteoa
22:30ean KONTZERTUAK: Enkore, Xutik, Usteak Ustel eta DJ Gotzon

*Bazkarirako tiketak salgai: La Pinta, Ilargi; Gernikako Arbola eta Trasgu tabernan (Trapagaranen); Txoko Atxitun (Ortuellan); Herrikon (Gallartan)

Oporretatik bueltan!

Kaixo lagunok!

Oporrak amaitu dira, hori badakigu!! Bazen garaia ezta???Gure oporrak argazkiko irla zoragarri honetan eman ditugu eta jada aspertuta, bueltatzea pentsatu dugu... faltan bota zaituztegu!!

Laster gure deia jasoko duzue eta berbataldeak martxan jarriko dira!!!
Adi telefonoari!!!

Portzierto!!

Erabili bloga eta kontaiguzue non egon zareten oporretan!!!!

2011/06/28

Ondo pasa UDA!!!

Agur esateko unea heldu da! Baina agur...irailera arte noski!! beno, GERO ARTE!! ONDO PASA UDA! MALTXURRAK IZAN!! Hemen duzue mezu bat zuentzako!

Besarkada bat!!