2009/01/27

Datorren ostiralean, Txikiteokide poteoa!

Datorren ostiralean, urtarrilaren 30ean, Txikiteokide poteoa izango da Trapagaranen, 19:30etan Universal tabernatik hasita.

Dantzatu mihia eta eztarria euskaraz!
Anima zaitezte eta bertan ikusiko gara!

2009/01/21

Ongi etorri! Badator 16.Korrika!

1.Korrika Oñatitik abiatu zenetik 28 urte igaro dira, ordudanik, euskararen alde antolatzen den ekitaldirik jendetsuena da. Hamaseigarrena 2009ko martxoaren 26an Tuteran hasi eta 11 egunez, gelditu gabe, lasterka zeharkatuko du Euskal Herria. 2.000 kilometro baino gehiago euskararen alde, gau eta egun, zahar eta gazte, gizon eta emakume, hanka luze eta hanka gabe, milaka korrikalari gelditu gabe, apirilaren 5ean Gasteizera heldu arte.

Muskiz, Abanto, Ortuella eta Trapagarandik, hau da, Meatzaldetik, apirilaren 4an (larunbata) pasatuko da, goizaldeko 2:00ak - 5:00ak aldean. Korrikaren data inguruan herriz herri korrika datorrela azaltzeko beste hainbat ekimen egingo dira: antzerkiak, bertso espektakuluak, zinema edo korrika txikiak. Honi guztiari Korrika kulturala deitzen zaio. Beraz, ADI DEIALDIEI!

Lortuko dugu Meatzalde euskalduna!

Meatzaldeko Arboleda gazte ekimenaren web ataria sortu dute: arboleda.tk


Arboleda.tk izango da hemendik aurrera Meatzaldeko gazte ekimenaren berri izateko ireki duten web ataria. Hemen, proiektuari buruzko nondik norakoak, azken berriak, eztabaidak, proposamen eta komentarioak... aurkitzeko aukera izango da.


Martxoaren 28a eta Arboledan. Abanto, Ortuella, Trapagaran eta Arboledako gazteek urtero errepikatuko den ekimena sortu nahi dute. Auzo, mendi eta txokoak ezagutu eta elkarrekin bilgune festa alternatiboa sortu.

2009/01/13

fieltro tailerra

berriro izango dugu aukera honetan aritzeko; gure proposamena ostegun honetarako hauxe da:

kamisetak apaindu, brotxeak, urkilak...

argazki gehiago hemen

noiz? urtarrilaren 15ean, 18etatik aurrera
non? abanto aek euskaltegian
zenbat? 2euro materiala ordaintzeko

izena emateko idatzi mezu bat honetara: meatzaldea@aek.org; abanto aek euskaltegian edo abanto-zierbenako euskara zerbitzuan (e-maila: euskara@abanto-zierbena.org edo 94 636 20 00 telefonoan) zure datuak utzi.

anima zaitezte!

2009/01/12

berriro martxan!

oporretan indarrak berritu ostean, aurten ere euskaraz egiteko eta jende berria ezagutzeko aukerak zabalduko ditugu! izan zaitez berbalagun! izena emateko galdetu urbilen daukazun euskaltegian edo zure euskara zerbitzuan!


berbataldeak jada martxan daude! animatu eta parte hartu!