2008/04/30

VI.Izkribu Lehiaketa

Baldintzak
- Meatzaldeko bizilagun orok parte har dezake.
- Partaideek 16 urte beteta izan edota bete behar dituzte 2008. urtean.
- Gaia librea izango da, euskaraz idatzita eta gehienezkohitz kopurua 1000koa.
- Maiatzaren 16a lanak emateko azken eguna.
- Lanak Meatzaldeko edozein udaletxe edo euskaltegitan entrega daitezke.
Sariak
Lehiaketa Irekia
- 1. Saria: Oroigarria eta 300 euroko bonoa.
- 2. Saria: 150 euroko bonoa.
Ikasleen arteko lehiaketa
- 1. Maila
1. Saria: Oroigarria eta 100 euroko bonoa.
2. Saria: 50 euroko bonoa.
- 2. Maila
1. Saria: Oroigarria eta 100 euroko bonoa.
2. Saria: 50 euroko bonoa.
- 3. Maila
1. Saria: Oroigarria eta 100 euroko bonoa.
2. Sara: 50 euroko bonoa.
Informazio gehiago: 94 636 94 47
Antolatzaileak: Meatzaldeko AEK Ikasgua

2008/04/29

Mendebaldeko II.Sokatira Txapelketa

Maiatzaren 1etik 3ra Ortuellako Gazte Asanbladak antolatutako Gazte Egunaren barnean zapatuan arratsaldeko 16:00etan Mendebaldeko II. Sokatira Txapelketa ospatuko da.
Antolatzaileak: Trapagarango eta Ortuellako Gazte Asanbladak

2008/04/28

Tantaka: apirileko tanta

Gaurkoan, Imanol eta Ruthekin egon gara. Eurek Muskizko Ortze euskal taberna eramaten dute. Euskaldun hauek, gonbitea egiten digute berbalagunoi bertara hurbiltzen eta taberna ezagutzen, oso gustura egoten baita bertan. Beraiekin egon gara berbetan eta galdera hauei erantzun digute:


Nondik atera zen Ortze bezalako taberna bat sortzeko ideia? Zergatik horrelako taberna bat Muskizen?
Imanol- Ideia berez udaletxetik etorri zen, konkretuki Euskara Batzordetik. Euskara elkarteak eskatu omen zuen.
Horren beharra zegoen Muskizen?
Ruth- Horren beharra Muskizen badago duela denbora nahiko. Ideia, duela urte batzuk sortu zen. Ni euskaltegian nengoenean, ideia bazegoen airean. Duela 5 edo 4 urte.
Uste duzue jendeak Ortze ezagutzen duela?
Imanol- Muskizko jendeak bai. Baina eskualdeko jendeak oraindino ez du ezagutzen.
Hona bakarrik jende euskalduna etortzen da?
Imanol- Ez, denetatik etortzen da.
Eta etortzen diren euskaldunak asko dira?
Ruth- Ez, gehiengoa erdalduna da. Oso euskaldun gutxi etortzen dira. Ez dakigu zergatik, agian ezagutzen ez dutelako eta hona etortzeko ohiturarik ez dutelako. Baina etortzen diren euskaldunak dira euskaltegikoak, anbulatorioan lan egiten duen baten bat eta Kultur Etxeko langileak. Beno, berez euskaldunak etortzen dira, baina askotan ez dute euskaraz egiten.
Ikusi duzuen hemen igual koadrila bat euskalduna eta erdaraz egiten duena?
Ruth- Bai, bat baino gehiago. Eta gurekin euskaraz hitz egiten dute nahi baino gutxiago. Normalean ez dira euskaraz zuzentzen. Beno, eguna eta pertsonaren araberakoa da hori.
Zer egiten duzue hemen tabernan?
Imanol- Ba hemen urtebetetzeak ospatzen ditugu edota taldeentzako aldez aurretik zehaztutako afariak. Nahi dutenek, esaten digute egun bat eta zenbat pertsona izango diren, eta ikusiko dugu ea hemen edo Gaztegunean gelaren bat eskatuko dugun edo. Baina bai, afariak prestatzen ditugu. Horrez gain, momentu honetan badaukagu argazki lehiaketa bat. Jendea etortzen denean hemen kafea hartzea edo, kontuaren atzealdean hemen jarrita dauzkagun argazkietatik gustukoen duena jartzen du, bere izena eta telefonoarekin eta hainbat sari zozketatzen ditugu. Paretan ere badaukagu lekutxo bat, astean behin esaera zahar bat jartzeko eta jendeak ezagutzeko.
Beno zuek euskaldunak zarete. Nola izan da zuen ikasketa-prozesua?
Ruth- Nik ikastolan ikasi nuen euskaraz eta gero AEK euskaltegian egon nintzen urte batez. Horrekin batera ere, Ostaben parte hartu nuen, orain martxan jartzen ari zareten berbalagunen aurrekari horretan.
Imanol- Ni hasi nintzen AEK euskaltegian, eta noizbait jarraituko dut AEKn. Kar-kar Askotan egon naiz euskaltegian eta beti 4. urratsean. Ikasle guadianoa naiz kar-kar Barnetegi batzuetan ere egon naiz: Lizartzan, Zerainen eta Bakaikun.
Zelan izan zen barnetegien esperientzia hori, ona?
Imanol- Bai, oso ona. Oso gustura egon nintzan eta gauza asko ikasi nuen, beti ere 4. Urratsean kar-kar.
Baina zuk euskaltegia beti egin duzu utzi,hasi, utzi hasi… bai ezta? Zergatik hori, motibazio falta edo?
Imanol- Bai, beti ibili naiz horrela. Baina ez zen motibazio falta izan. Nire kasuan, batez ere, lana izan zen, autobusak gidatzen nituen eta ez neukan denborarik.
Zuek zelan ikusten duzue Berbalagun Muskizen? Funtzionatuko duela uste duzue?
Imanol- Beharra badago, funtzionatzea edo ez jendearen eskuetan dago.
Ruth- Beharrezkoa bada, baina funtzionatzea… Hemen Muskizen, ez gara oso parte hartzaileak izaten, baina espero dugu Berbalagunena ondo ateratzea eta jendea animatzea eta gustura egotea.
Imanol- Ostabe oso ondo egon zen, behintzat hasieran, jende asko animatu zen.
Zein izan zen horren akatsa, berriro ere ez errepikatzeko?
Imanol- Jendea hasieran, aurkezpenera eta ekintza askotara joaten zen, askotan 60 pertsona eta biltzen ziren baina azkenean ibili behar zinen jendearen atzean eta… Baina gauza nahiko zeuden egiteko, batzuk agian ez oso erakargarriak, baina bazeuden. Espero dugu Berbalagun ondo funtzionatzea eta denbora ematea hemen Muskizen.

Eskerrak ematen dizkiegu Ruth eta Imanoli.
Eta zuri, Berbalagun, esatea ere Muskizko Ortze tabernan trago bat hartzera eta taberna ezagutzera animatzen zaitugula, oso giro ona baitago. Bertan ezagutuko dituzu euskaldun bikote hau, gustura hartuko zaituztenak bertan.

2008/04/24

Ruper Ordorika

Azken diskaren aurkezpena Muskizen

NOIZ: Apirilaren 26an, larunbata
NON: Meatzari Aretoan
ORDUA: 20:00etan
PREZIOA: 12€ (takilan eta telekan salgai)

Antolatzailea: Muskizko Udala-Euskara Zerbitzua

2008/04/23

Muskizko aurkezpeneko argazkiak

Joanak egitasmoaren nondik norakoak azaldu eta gero CSI Zaratamokoek hilketa bat argitzeko asmoz etorri ziren. Ondoren, Gosek euren musikarekin giroa alaitu zuen pintxoak jaten genituen bitartean. Ikusi argazkiak.

Abanto-Zierbenako Berbalagun Aurkezpena

Ostiralerako sekulako plana eskaintzen dizuegu Abanto-Zierbenan...
19:00etan Berbalagun aurkezpena Las Carrerasko Udal Aretoan, 19:30etan Xabi Paiaren hitzaldia eta gero...

Axola Euskara Elkarteak antolatutako triki poteoa!!! Ondoren, antolatutako bertso-afaria Las Carrerasko "Angulo Tabernan" Jexus Mari Irazu eta Jokin Sorozabal bertsolariekin eta Jon Berrokal gai-jartzaile. Afariak 25 euro balio du eta Axolakoekin aldez aurretik harremanetan jartzea gomendatzen da.

Argazkiak

2008/04/22

Juan Martin Elexpuru

IDAZLEEKIN BERBETAN 2008
NOIZ: Apirilaren 24an
ORDUA: Goizeko 10:30ean eta arratsaldeko 18:30ean
NON: Muskizko Gaztegunean

Antolatzaileak: Muskizko Udal Euskaltegia

2008/04/21

Abanto-Zierbenako Euskal Astea

Astelehena, 21
11:15 Bertsolariak eta RAP kantariak elkarrekin DVD batean Dolores Ibarrurin.
17:30 Eriz Magoa Sanfuentesko Antzinako Eskoletan.
18:00 Edorta Agirreren "Elikadura eta kultura" hitzaldia Dolores Ibarrurin.
Buenos Airesen HHn Kartel Eguna eta LHn Euskal Esaera Zaharren Eguna.
Asteartea, 22
9:00-21:00 Etor zaitez Udal Igerilekuetara euskararen alde igeri egitera.
Buenos Airesen Kirol Eguna.
14:35-16:25 Herri Kirolak Dolores Ibarrurin.
Asteazkena, 23
9:50-10:45 eta 11:15-12:10 Arkaitz Estiballes eta Unai Ormaetxea bertsolarien emanaldiak Dolores Ibarrurin.
18:00 Piter Ansorenaren "Ikastearen onurak" hitzaldia Dolores Ibarrurin.
Buenos Airesen LHIn Sukaldari Eguna HHn eta Pintxo Eguna LHn.
Osteguna, 24
17:30 Antton Irusta ipuin kontalaria Sanfuentesko Antzinako Eskoletan.
Buenos Airesen Margolari Eguna HHn eta Euskalinfo Eguna LHn.
Ostirala, 25
12:10-13:05 Ken 7ko Eñaut Elorrieta kantariaren hitzaldia: "Euskal Musika" Dolores Ibarrurin.
13:05-15:10 Talo tailerra, tortilla eta pintxo txapelketa, dantzak eta euskal musikak girotua Dolores Ibarrurin.
17:00-20:00 Umeentzako Parkea Gallartako Eusko Gudariak Enparantzan.
Buenos Airesen Jolas Eguna.
19:00 Berbalagun egitasmoaren aurkezpena Las Carrerasko Udal Aretoan.
21:00 Triki Poteoa Haritzalde tabernatik hasita.
22:00 Bertso Afaria Axola Euskara Elkartearen eskutik Angulo Tabernan.
Larunbata, 26
10:00-23:00 Akelarrea. Las Carrerasen hasi eta San Pedron amaitu!!
· 10:00-15:00 Euskal Produktuen Azoka La Trinidad Enparantzan.
· 13:30 Triki Poteoa Las Carrerasko tabernetatik.
· 15:00 Herri bazkaria (tiketak salgai) Las Carrerasko Pilotalekuan. Bazkarira
etortzeko nahitaezkoa izango da mozorrotuta etortzea (sorginak, deabruak, katu beltzak...)
· 17:00-20:00 Euskal Erromeria "Erdizka Lauetan" taldearekin.
· 20:00-21:00 San Pedrorako ibilbidea
· 21:00 Herri Merienda San Pedroko landetan.
· 22:00 Akelarrea (Sorgin Dantza ikasteko ikastaroa egongo da Enarak Dantza Taldeak
antolatuta).
Igandea, 27
Txirrindulari Martxa herri osoan zehar Abanto Euskaltegia AEKren eskutik. Kamiseta banaketa institutuaren parean. Ibilbidea: Gallarta-Sanfuentes-Castaños-Marciano iturria-Institutua.
* Doaneko autobus zerbitzua egongo da
Antolatzaileak: Abanto-Zierbenako Euskara Zerbitzua.
Laguntzaileak: Abanto euskaltegia AEK, Autobuses Vigiola, Axola Euskara Elkartea, BBK, Enarak Dantza Taldea, Eragin Kirol Zerbitzuak, Gallartako Emakumeak, Harrigorria Dantza Taldea, Las Carrerasko Emakumeak, Otxote Muñatones, Sanfuentesko Emakumeak.

2008/04/18

Bertso bazkariko argazkiak

Aurreko apirilaren 17an Ortuellan elkartu ginen 40 lagun mingaina euskaraz astintzeko prest.
Poteoa berandu hasi bazen ere, giro oso polita egon zen. Bazkarian Edortak jarritako tranpak erraz gainditu zituzten Ametsek eta Uxuek. Ondoren poteoan jarraitu genuen... xuabe-xuabe Hatricken parranda hasi arte!!!!
Egondako giroa sekulakoa izan zela konprobatu nahi baduzue ikusi Jabik (gure artista), Agurtzanek eta Oihanek ateratako argazkiekin egindako remix-a!

Ah!!! Hurrengoan afaria egiteko asmoa dute gure berbalagunek... beraz, hasi agendan ekainerako lekutxo bat egiten...

2008/04/15

Muskizko Berbalagun Aurkezpena

Ostegun honetan CSIkoak Muskizen izango ditugu berbalaguneko aurkezpenean

eta gero... GOSEren kontzertua luntxa dagoen bitartean!!!! ANIMATU eta etorri dantzatzera!





2008/04/14

Mendi Irteera

Datorren zapatuan Orduña aldera joko dute Axolakideek era animatzen zareten guztiok beste mendi irteera bat egiteko, Nerbioiaren Iturburura, hain zuzen ere. Bertan ur-jauzia eta paisaia hunkigarria ikusi ahal izango dugu. Gainera prismatikoak eroanez gero, saiak eta bere habiak ikusteko aukera ere egongo da.
Noiz: Apirilak 19.
Ordua: 10etan Gallartako Anbulategitik.
Antolatzaileak: Axola Euskara Elkartea. Harremanetan jartzeko: axola@euskalerria.org

harremanetarako telefonoak

MUSKIZ
AEK Euskaltegia: 94 670 77 74
Udal Euskaltegia: 94 670 64 11
Euskara Zerbitzua: 94 670 70 75


ABANTO-ZIERBENA
AEK Euskaltegia: 94 636 94 47

ORTUELLA
AEK Euskaltegia: 94 664 17 97
Euskara Zerbitzua: 94 664 02 00

TRAPAGARAN
AEK Euskaltegia: 94 492 22 04
Udal Euskaltegia: 94 492 34 57


2008/04/11

Sagardotegi Gaupasa

Noiz: Apirilaren 19a, zapatua.
Ordua: 17:30etan Trapagarango Taxi Geltokitik aterako da autobusa eta Lesakatik hurrengo egunean aterako gara goizeko 7:30ak inguruan.
Sagardotegian afaldu eta gero Gaupasa egongo da Lesakako Gazte Egunean: Hesian, Etsaiak eta beste zenbait talde.
Prezioa: 45 euro (busa + sagardotegian afaria).
Izena emateko lekuak: Trapagarango Maite, Ilargi eta La Terraza tabernak, Ortuellako Gazte Lokala, basetxega@hotmail.com, pikotxa@gaztesarea.net, meatzaldea@aek.org. Apirilaren 17a baino lehen.
Animatu! Kriston parrada egingo dugu Lesakako, Baxe Nafarroako eta meatzaldeko gazteon artean!!!
Antolatzaileak: Meatzaldeko Gazte Asanbladak

2008/04/03

Bertso Bazkaria





Zer gertatuko litzateke zuen ordenagailuan hacker bat sartuko balitz?


Amets Arzallus eta Uxue Alberdi bertsolari gazteek gure galderari erantzungo diote apirilaren 12an Ortuellako Gorbeia Aretoan izango den saioan. 12:30etan poteoa hasiko da Ferrobarril tabernatik eta 14:00etan bazkaria.
Txartelek 15 euro balio dute eta erosteko azken eguna hilaren 10a izango da. Salgai: Ortuellako AEK euskaltegian eta Euskara Zerbitzuan, Abantoko euskaltegian, Muskizeko AEK euskaltegian eta Ortze tabernan.

2008/04/02

Mendi BerbaTaldea

Mendi BerbaTaldeak, hileroko hitzorduari jarraituz, domekan egingo du irteera.

Noiz: Apirilaren 6an, goizeko 9:00etan Manferreko autobus geltokian. Nora: Pagoetako Parke Naturalera. Gipuzkoako ekialdean dagoen parke natural honetan hainbat gauza dago ikusteko: Iturraran parketxea, lorategi botanikoa, erlategia, Agorregiko burdinola, Landare Azoka...

Eguna berton emango dugu beraz ez ahaztu motxilan bokata, ura eta zira sartzen!!!!

Komenigarria litzateke animatzekotan Mendi BerbaTaldeak horren berri izatea.

Argazkiak

2008/04/01

Anje Duhalde

Barikuan, apirilak 4, Anje Duhalde euskal kantaria izango dugu Sopuertan. Hortaz lapurtar honen kantak entzutera etor nahi duzuen guztiok Sopuertako Aterpe tabernara joan besterik ez duzue, arratsaldeko 20:00etan.

Sarrera: Doan