2012/02/27

Martxoak 3, bertsoafaria Trapagaranen

Eguna: Martxoaren 3a
Ordua: 22:00
Lekua: Trapagarango Gaztetxea
Bertsolariak: Fredi Paia eta Beñat Ugartetxea
Prezioa: 12:00

Eman izena 29a baino lehen!!!

Bideokopla lehiaketa


Euskal Herriko Bertsozale Elkarteak eta AEKren Mintzapraktika egitasmoak elkarlanean, Bideokopla Lehiaketa jarri dute martxan. Txapelketa honek helburu bikoitza du. Alde batetik, euskara ikasten edota praktikatzen dabiltzanak bertsolaritzaren mundura hurbiltzea eta, bestetik, bertsolaritzak euskara praktikatzeko eskaintzen dituzten aukerak erakustea.

Ekimen honen sorrera 17. Korrikaren baitan antolatutako Euskalakari Koplari txapelketaren arrakastarekin lotuta dago. Duela urtebeteko hura Bertsozale Elkartearen eta Korrikaren arteko lankidetzari esker burutu bazen, oraingo honetan Praktikatu AEK-k hartu dio lekukoa Korrikari. Gainera, aurrera begira elkarlanean jarraitzeko asmoa dute; ondorioz, ekimen hau abiapuntua besterik ez da izango.



Lehiaketa, izenak berak dioen legez, bideo bat sortzean datza, koplak oinarri gisa hartuta. Bi lagunetik gorako taldeetan bilduta sei koplatik hamabira bitarteko sorta bat osatu beharko duzue, eta bideo bat grabatu, gai hau ardatz: Euskaraz bizi nahi dut, dugu, duzu, zaitut... Kopla horien bidez, euskaraz bizitzeko nahia adierazi beharko da nahi den eran. Doinua, libre.

Lehiaketa helduen euskalduntzeko zein mintzapraktika egitasmoetako edozein erakundetan dabiltzan taldeei zuzenduta dago, baina talde bakoitzak bertsolari baten laguntza eduki dezake, hala eskatuz gero. Izan ere, lehiaketan parte hartu nahi duten taldeei beren inguruko bertso-eskolak lagundu nahi badie kopla sorta osatzen, elkarlan hori balioetsi egingo da lehiaketan.

Bideoan grabatutako kopla sortak praktikatuaek@gmail.com helbidera igorri beharko dira martxoaren 25a baino lehen. Saria talde irabazlearentzako bertso-bazkari edo afari bat izango da, bi bertsolariren laguntzaz, taldeak eta antolakuntzak adostutako jatetxe batean. Epaimahaia Bertsozale Elkartea izango da, baina edonork edukiko du bere gustuko bideoa bozkatzeko aukera Praktikatu AEK facebookeko orrialdean.

2012/02/21

"Carraskoliendas" Trapagaran





Bertsoafaria Trapagaranen- Martxoaren 3an


Eguna: Martxoaren 3a, larunbata
Ordua: 22:00etan
Lekua: Trapagarango Gaztetxean
Bertsolariak: Fredi Paia eta Beñat Ugartetxea
Prezioa: 12€
Sarrerak lortzeko tokia: La Pinta, Ilargi, Muga, Itxaso taberna eta Gernikakon
Sarrerak erosteko azken eguna: Otsailaren 29a

Meatzaldeko Irakurzale Kluba

Eguna: Otsailaren 29a, asteazkena
Ordua: 19:30ean
Lekua: Las Karreraseko Haritzaldeko udal aretoa

«Berritu nahi ez duzun tokian zanpatzean, memoriak min ematen du»

Anjel Lertxundik bere belaunaldiaren «erradiografia posible bat» egin du 'Etxeko hautsa' nobelan, zalantza eta galderez josia. Pertsonaia nagusiaren «barruko irakinaldia» kontatzea izan du erronka nagusi egileak.


JUAN LUIS ZABALA DONOSTIA
Bere belaunaldiaren «erradiografia posible bat» osatu du Anjel Lertxundik (Orio, 1948) Etxeko hautsa nobelan (Alberdania), hautu moralen inguruko zalantza eta galderez betea. Nobelako kontalari eta pertsonaia nagusiak hogei urte lehenago egin zuena aitari lehenengoz kontatzea erabaki du: Franco hil aurreko urteetan, adiskide baten eskariari erantzunez, ETAko bi kideri laguntza eman zien, ETAkoak zirela jakinaren gainean, herri batetik bestera eramanez autoan. Aitak ezin dio ulertu esaten diona, oroimena galdua baitu gaitz degeneratibo baten ondorioz, baina semeak kontatzen jarraituko du, eta kontaketak aurrera egin ahala egindako hautu moralen inguruko zalantzak eta galderak sortuko zaizkio, irakurleak ere bere egingo dituenak. «Artefakto literario bat elaboratu dut, eta orain neronek ere ez dakit nola funtzionatzen duen. Literatura da», esan zuen Anjel Lertxundik atzo, Donostian, liburuaren aurkezpenean. «Nire esperientzia eta talaia pertsonalenetik hurbil dagoen nobela bat da Etxeko hautsa, gertakarietan oinarritua. Ez da, ordea, nire autobiografia pertsonala. Esango nuke nire belaunaldiaren erradiografia posible bat dela». Lertxundiren nobelaren gaztelaniazko bertsioa ere kaleratu du Alberdaniak, Los trapos sucios.


Belaunaldi hori «heziketa guztiz estu eta guztiz dogmatiko» batetik zetorrela ekarri zuen gogora. «Gazteak ginen, eta Antonio Tabucchik liburuan jarri dudan aipu batean dioen bezala, tontoak ginen. Baina lortu nahi genuen eta amesten genuen mundua, eta hori lortu nahia, ez zen oker bat. Okerra zen, kasu askotan, eta nire belaunaldiaren kasuan, hartutako bidea. Erresistentzia eta indarra gauza bera balira bezala jokatu genuen, txanpon beraren bi alde bazterrezinak balira bezala. Ordutik hona denbora asko pasatu da, eta pasatako urteetan memoria pisuz handitzen joaten da, hornitzen joaten da eta astundu egiten da. Eta gertatzen da memoriak asko pisatzen duela; eta berritu nahi ez duzun tokian zanpatzen duzunean, memoriak mina ematen duela».

Hitzaldia Trapagaranen

Gutxi falta da carrascoliendas berriz Trapagaranen ospatzeko. Carrascoliendaseko egitaraua ordea asteazkenean hasiko da. Kezka dantza taldeko Oier Araolaza dantzariak Eibarren duela 5 urte berreskuratu zuten inauterien inguruan hitz egingo du.

Ze garrantzi du herri batean bertako inauteria berreskuratzeak? Zein kriterio erabili dute galduta zegoen haien inauteria berreskuratzeko?

HITZALDIA
: "Inauteri tradizionalen berreskuratzea inguru urbanoan. Eibarreko Koko dantzak"

Eguna: Otsailak 22, asteazkena
Ordua: 19:30ean
Lekua: Olaso Jauregiko auditorioa
Hizlaria: Oier Araolaza (Eibarreko Kezka dantza taldeko dantzaria)

2012/02/13

Pirritx, Porrotx eta Marimotots

Eguna: Otsailaren 17an
Ordua: 17:30ean eta 19:30ean
Lekua: Muskizko Meatzari Aretoan
Sarrerak: Otsailaren 15ean salgai takilan

2012/02/08

Familia irteera: Punta Luzero mendira


Muskizetik familian egiteko mendi irteera antolatu dute Punta Luzerora!! Euskaraz eta familian oso ondo pasatzeko aukera ezin hobea da! Ea eguraldia lagun duten!

NOIZ: Otsailak 12- 10:00etan

NON: Kiroldegi aurreko bus geltokian.

OHARRA: Euria eginez gero, bertan behera geratuko da txangoa.

Familian egiteko: kareta tailerra!

Haurrak eta gurasoak elkarrekin egiteko tailerra da, familian euskaraz gozatzeko, horregatik haurrekin gurasoak (aita edo ama) etorri behar dira! Eta plaza kopurua mugatua denez...eman izena lehenbailehen!

Egunak eta lekuak:
Otsailak 14, Abanton: 17:30ean Kultur Etxeko erakusketa gelan
Otsailak 16, Ortuellan: 17:30ean Kultur Etxean (OKE)
Otsailak 21, Muskiz: 17:30ean Gaztegunean
Otsailak 23, Trapagaran: 17:30ean Itxaropena Ikastolan


Izena emateko lekuak:
Muskizen: Euskara Zerbitzuan (Kultur Etxeko 3.solairuan)
Abanton: Euskara Zerbitzuan (Udaletxean)
Ortuellan: Euskara Zerbitzuan (OKEn)
Trapagaran: Aek Euskaltegian

edo... mezu bat bidaliz meatzaldea@aek.org